Observasaun Manu-lin


History and Culture
Timor-Leste iha potensiál signifikativu ba observasaun manu-fuik. Iha estimasaun katak iha 240 spésie manu-lin mak inklui manu-lin 23 mak hetan ne’ebé mak la eziste iha rai seluk. Sitíu potensiál ba observasaun manu-fuik maka hanesan iha Parke Nasionál Nino Konis Santana, Área protejida Manu Koko (Ilha Ataúro), nst.

Ba informasaun klaru liutan ká peskiza favor bele vizita website the Birdlife International.


Luku-tasi no Nani

 

 

Fatin luku-tasi no nani asesivel tebtebes iha Timor-Leste. Ilha Timor iha luku-tasi klase mundial tanba ho kombinasaun prefeitu hanesan, bé ne’ebé  mak ho kualidade diak, bé-klean, ahu-ruin ne’ebé  sidauk estraga, no iha biodiversidade moris mariña nian ne’ebé  mak kapás.  Timor-Leste lokáliza iha Koral Trianglu. Parte populár ba luku-tasi no nani maka iha Maubara (Liquica), Cristo Rei no Dili Rock (Dili), Behau (Manatuto), Wata Bou (Baucau), Kom no Jaco (Lautem), nst.

Atu bele hatene informasaun klean liu-tan favor bele kontaktu kumpañia luku-tasi no tuir mai ne’e: www.divetimor.com, www.compassaventuretours.com, www.aquaticadiveresort.com

 

TASI

 

Fatin ida ne’ebé  magnífiku no sai atrasaun turistika iha Timor-Leste mak, tasi ho rai-henek mutin. Iha fatin barak mak furak no hakmatek- tasi ba individuál no rekreasaun ba família, inklui Cristo Rei, Areia Branca, “One Dollar” Beach (Dili), Maubara (Liquica), Watu Bou (Baucau), Com, Walu, Jaco (Lautem), Behau (Manatuto), nst. 

Beach

 

Kultura no Patrimóniu

 

Timor-Leste abensuadu ho diversidade kultura no eransa barak. Ema Timor-Leste rasik  hanesan aset importante hodi atrai vizitante sira tanba sira-ninia sentidu dezenvolve  ne’ebé  mak forte ba iha ospitalidade, hodi simu ho laran di'ak. Pratika kultura antigu mós iha interese di'ak ba vizitante sira, ho atrativu  hanesan uma-tradisionál parte istória (Fatuk pinta Ili-kere-kere iha Tutuala), fatin rituál barak iha Maubisse (Ainaro), Baucau, Lautem, nst.

 

Festivál Lokál


Iha festivál lokál barak mak ita bele hatene ká esprensia durante hela iha Timor-Leste. Munisípiu idak-idak maioria iha sira-nia eventu  tradisonál lokál, balun bazea ba rituál uma-lulik. Exemplu balun mak iha ne'e it abele kontaktu ba operador ká ajensia viajen lokál hodi hetan data no aktividade sira refere):

  • → Mechi Me – Munisípiu Lautem
  • → Festivál koeleta ikan iha Bé Malae – Munisípiu Maliana
  • → Festivál sa’e bua iha Ataúro  – Munisípiu Dili 

 

Loron Merkadu Tradisionál

 

Loron ba merkadu  tradisionál oferese lalaok negosiu moris ema lokál nian. Vizitante barak mak apresia hodi vizita ba, hodi hare saida mak oferese hodi bele sosa hosi komunidade lokál sira, partikulár modo ne'ebé mak fresku no ai-fuan orgániku. Iha Timor-Leste,  kada Munisípiu iha loron diferente ba Merkadu Tradisionál, maibé baibain loron ne'ebé rameliu mak loron Sabdu.

Loron merkadu tradisionál iha Ilha Ataúro:
→ Bikeli, Tersa-feira tuku 7 dader – 12 meudia
→ Makadade, Kuarta-feira tuku 7dader – 12 meudia
→ Makili, Kinta-feira tuku 7 dader – 12 meudia
→ Vila Maumeta, Sesta-feira tuku 7 dader – 12 meuida
→ Beloi (loron merkadu tradisionál ne’ebé mak bot iha Ataúro), Sabdu tuku 7 dader – 4 lokoraik

Loron merkadu tradisionál iha Munisipíu Lautem:
→ Munisípiu Lautem, kada Sabdu hosi tuku 6 dader – 12 meudia


Artezanatus

 

Iha tipu artezanatu oioin ne’ebé mak bele sosa hanesan rekordasaun hodi lori fila ba uma. Artezanatu prinsipál liu mak halo hosi materiál lokál inklui, soru-tais lokál ho liman, ne’ebé mak kuiñesidu ho “tais” hosi lingua lokál. Raga, ai-eskultura, korenti prata, sabaun, prudutu min etc.

 

Tour Voluntáriu

 

Ministériu Turizmu disponivel hodi organiza no fasilita ba sira ne’ebé hakarak involve no/ká organiza tour voluntáriu no aktividade sira hodi suporta inisiativa EBC nian. Ba informasaun klean favór bele kontaktu ba ami deretamente: Diresaun Nasionál MarketingTurizmu no Relasaun Internasionál. www.cbet-timorleste.com no/ká Fundasaun Haburas ([email protected]). 

 

Baleia & Golfiñu

 

Ba ema sira ne’ebé  mak gosta observa baleia & golfiñu, Timor-Leste mós hanesan fatin ida ne’ebé  mak furak iha mundu hodi observa mariña mamíferu. Tempu atu hare hetan baleia, bain-bain hosi fulan-Outubru to'o fulan-Dezembru. Tipu mariña mamíferu sira ne’ebé  mak bele hare inklui Baleia ninia isin-lolon hotu iha reijiaun ne'e maka hanesan baleia azúl,  baleia Sperm , baleia Humpback , baleia pilotu, no seluk-seluk tan. Fatin prinsipál hodi hare baleia & golfiñu mak iha Ilha Ataúro, Kom, Ilha Jaco, no Maubara.

 

Lao-ain no Sae-foho

 

Ho paizajem foho ne’ebé furak, mundu rekuiñese katak Timor-Leste iha fatin barak mak oferese hodi aktividade la'o-ain no sae-foho. Rute barak mak furak, hanesan Foho Ramelau (Ainaro), Foho Kablaki (Same), Foho Matebian (Baucau), Foho Mundu Perdido (Viqueque), Foho Manukoko (Ataúro), no Foho Pai Cau (Lautem). Ami rekomenda ba ita atu uza mata-dalan lokál hodi hetan ita-nia esperiensia ne’ebé  mak furak ba observasaun ne’ebé  mak nakonu ho sensibilidades kulturál, ne’ebé  mós bele ajuda komunidade lokál hodi hetan benefísiu hosi ita-bot sira nia vizita.