Nutísia

Liu husi koperasaun entre Ministeriu Turismu Timor-Leste no Organizasaun Mundial Turismu  (OMT) kona-ba projetu Merkadoria Ecoturismo de Base Comunitária (EBC), Ministeriu Turismu realiza seminariu nasional ida kona-ba EBC Marketing iha dia 28 de Marco de 2017. Partisipante sira mai husi partes enteresadas oioin inklui azensia viajen, instituisaun turismu, universidades, ONG lokal sira, azensia governu relevantes, nómos benefisiariu sira husi EBC. Objetivu prinsipal husi seminariu ne’e maka atu fahe ideas, reforsa parseria, no fahe informasaun atu promove EBC iha Timor-Leste ho sussesu.   

Liu husi kooperasaun entre Ministeriu Turismu Timor-Leste no Organizasaun Mundial Turismu (OMT) kona-ba projetu dezenvolvimentu rekursu umanu, Vizaun Foin Sa’e halao treinamentu loron rua iha área mata-dalan iha Maubara, Munisipiu Liquiça, hahu dia 3-4 Julhu 2017. Total partisipante hamotuk 12 partisipante. Objetivu prinsipal husi treinamentu ne’e atu fornese abilidade no kuñesementu oinsa atu fó informasaun koretu ba viajante kona-ba sira nia potensialidade turismu em termos ba turismu kultura, istoriku, no natureza.  


Universidade Melbourne organiza tour voluntáriu EBC iha EBC  Valu Sere, Tutuala, Munisipiu Lautem  iha loron 27 Setembru 2016. Programas  ida ne'e fasilita hosi ONG Fundasaun Haburas. Liu hosi atividade tour ita ne'e estudante sira bele observa no kompriende oinsá komunidade lokál sira hala'o sira nia negosiu EBC wainhira mantein sira-nia eransa kultura no meiu-ambiente.   EBC Valu Sere ninia lokálizasaun  iha Parke Nasionál Nino Konis Santana.



Ministériu Turizmu, Artes no Kultura Timor-Leste, liu hosi Diresaun Nasional Marketing Turizmu no Relasaun Internasionál, organiza programa treinamentu kona-ba komersializasaun no manajementu iha Ilha Ataúro iha loron 6 Outubru 2016. Kuaze ema hamutuk 55 mak partisipa, hosi Aldeia 5 maka hanesan Bikeli, Beloi, Vila Maumenta, Makili no Makadade.

Objetivu prinsipál hosi programa treinamentu  ida ne'e atu  promove kualidade ba manejementu, atendementu, no promosaun ba negosiu EBC iha área akomodasaun, restaurante no artezanatu.

Inisiativa treinamentu ida ne'e hetan apoiu fundus hosi Governu Korea ho asistensia hosi Organizasaun Mundial Turizmu Nações Unidas no Organizasaun Turizmu Sustentavel Eliminasaun Porbreza

 

Historia ho Cultura | Konseitu-EBC | Dezenvolvimento-EBC | Programas | Nutísia EBC | Instrusaun EBC