Flag Counter

Munisípiu Lautem

Lautem lokáliza iha Ilha Timor ninia rohan liu parte Oriental. Munisípiu ida ne'e iha potensiál signifikativu ba turizmu terrestrial no mariña. Fatin Turístiku ne’ebé mak viajante sira hosi rai liur no rai laran vijita barak liu maka hanesan Kom, Ili Kere-kere, Parke Nasionál Nino Konis Santana, no lagua Ira-Lalaro ne’ebé  kuñesidu bot liu iha Timor-Leste.

MAP OF LAUTEM Municipality

Iha Munisípiu Lautem, maioria negosiu EBC iha área alojamentu  ne’ebé kontrolu hosi komunidade lokál rasik. Iha tinan 2007, Ministériu Turizmu fó subsídiu orsamentu ki'ik hodi ajuda ba EBC iha área alojamentu atu hadia kualidade servisu no aumenta sira nia negosiu EBC.


KOM

Kom hanesan Suku ki'ik ida ho nia populasaun maizumenus 1500 habitantes. Aldeia ne'e parte hosi sub-munisípiu Moro, ne’ebé  agora dadaun sai hanesan fatin famozu ba destinu turistiku iha Munisípiu Lautem. Turizmu  kosteiru no mariña maka sai atrasaun prinsipal iha Kom.

Guest House Kati mós lokáliza iha Kom no sai hanesan ezempar modelu diak ba inisiativa EBC akomodasaun, ninia rezultadu mak susesu ba iha jestaun, governansaun, no opsitalidade. Ai-han sira iha Kati Guest House mós tuir padraun  ne’ebé as.

 

 

 

 

 

VALU

Valu hanesan aldia ida iha sub-munisíu Tutuala, nebá EBC Valu Sera  lokáliza ba. Inisiativa EBC ne’e organiza hosi ONG Fundasaun Haburas, servisu hamutuk ho komunidade lokál. Ema barak maka vizita ba Valu Sere tanba fatin ne'e besik Illa Jaco no iha bé- krystál ba snorkelling/nani no luku.

Valu  situada iha Nino Koni Santana Parke Nasionál nia laran, no mós iha potensiál ba lao-ain ká trekking no observasaun manu-fuik, nomós bele vizita ba fatuk-kuak importante mak dezeñu sira antigu iha parede, ne’ebé  mak kuñesidu ho “Ili Kere-Kere”.