Munisípiu Liquiça

 

Liquiça lokáliza iha parte norte ká tasi-feto no besikliu ba Munisípiu Dili, 33 km hosi nasaun kapital. Liquiça mós fronteira ho Munisípiu Bobonaro. Atrasaun sira prinsipál mak fatuk-tasi, sitius istoriku, bé-manas, no Merkadu Artezanatu Maubara iha tasi-ibun no iha oin iha forte Olandés.

Iha tinan 2007, benefisiáriu EBC hetan subsídiu finanseiru nato’on hosi MinistériuTurizmu hodi hasae sira-nia infra-estrutura báziku iha merkadu artezanatu. Negosiu EBC iha área restaurante no akomodasaun hetan programa treinamentu kona-ba manajementu turizmu, ospitalidade, servisu-uma laran nomós treinamentu ba produsaun ai-han iha tinan 2016. 

Maubara hanesan fatin ida ne’ebé populár ho nia destinasaun turistíka ba vijitantes sira pasa sira nia fim de semana ne’ebé maioria mai hosi Dili. Tanba ne'e ispira komunidade lokál para atu bele ativu involve iha EBC, epecial iha artezanatu. Maubara famozu ho raga homan-liman. Turista internasionál no lokál sempre ba vizita barraka sira ne'e hodi sosa rekordasaun hodi lori ba uma.          

Iha koperativa alojamentu EBC ho naran Laloran, ne’ebé mak estabelese hosi ONG Fundasaun Haburas, servisu hamutuk ho lider lokál no komunidade sira, inisiativa ida ne'e hetan fundus hosi Uniaun Europeia nómos kontinua hala'o operasaun  iha Maubara.

 
Aileu | Ainaro | Baucau | Bobonaro | Dili | Ermera | Lautem | Liquisa | Manatuto | Manufahi | Oe-cusse | Suai | Viqueque