Dezenvolvimentu EBC

 

Planu Estratéjiku Dezenvolvimentu Nasionál Timor-Leste 2011-2030 rekuñese katak ‘turismo de base comunitário' nu'udar dezenvolvimentu importante ida hodi hakbesik ba komunidade lokál hodi hasae sira nia ekonomia. Dezenvolvimentu EBC iha Timor-Leste sei iha faze ida foin hahú, no komunidade lokál sira sei hasoru dezafiu lubuk ida em termos infra-estrutura báziku, limitasaun finanseiru, no rekursu umanu.

Maske nune'e, iha tinan tolu liu ba EBC hahú hetan progresu signifikativu iha Timor-Leste, espesialmente iha área sira ne'ebé mak maioria iha potensiálidade ba rekursus ekoturizmu ne’ebé lokáliza ba, maka hanesan Ainaro (Maubisse no Hatu Builico), Baucau, Dili (Ilha Ataúro), Ermera, Liquica, Lautem (Kom no Tutuala) Maliana no Viqueque (Loihunu).

Komesa iha tinan 2007, Goveru Timor-Leste, liu hosi Ministériu Turizmu, fó ona apoiu ba EBC sira ne’ebé  iha inisiativa rasik negosiu iha Munisipiu 13. Tipu asistensia ne'ebé mak oferese hosi Governu liu hosi apoiu finanseiru ho montante kiik ba benefisiariu EBC hodi haburas sira nia negosiu iha área alozamentu, ai-han, bebidas, no seluktan. no governu iha komitmentu bot hodi kontinua tipu asistensia ne’e  iha futuru. Tuir fali, iha mós ONG balun ne’ebé  mak involve ativu ba iha dezenvolvimentu iha Timor-Leste maka hanesan  ONG Fundasaun Haburas, Roman Luan, Fundasaun Alola, no seluktan.

Historia ho Cultura | Konseitu-EBC | Dezenvolvimento-EBC | Programas | Nutísia EBC | Instrusaun EBC